Showing posts with label BREAKING. Show all posts
Showing posts with label BREAKING. Show all posts

Thursday, July 9, 2020

Simba yananyua ndoo kwa sare mbele ya Namungo

Mchezo wa ligi dhidi ya Namungo ambao umetumika kwa kukabidhiwa taji la ubingwa wa ligi kuu ya Vodacom Tanzania bara msimu wa 2019/2020 uliopigwa uwanja wa Majaliwa mkoani Lindi umemalizika kwa sare ya bila kufungana. Katika mchezo wa leo kocha mkuu Sven Vandenbroeck amewatumia wachezaji wengi ambao walikosa nafasi katika mechi kadhaa zilizopita. Kwenye mtanange huo ambao ulikuwa mkali timu zote zilitengeneza nafasi kadhaa za kufunga huku zikishambuliana kwa zamu lakini hakuna aliyeweza kupata bao. Mchezo huu ni wapili mfululizo wa ligi kwa kutoka sare ya bila kufungana baada ya ule uliopita dhidi ya Tanzania Prisons uliopigwa uwanja wa Sokoine jijini Mbeya. Baada ya shamra shamra za ubingwa kikosi kitarejea mkoani Mtwara na kesho kitapaa hadi jijini Dar es Salaam tayari kwa maandalizi ya mchezo wa nusu fainali ya michuano ya Azam Sports Federation Cup dhidi ya siku ya Jumapili.

Wednesday, August 14, 2019

Harmonize Avunja ‘mwiko’ Wa Wcb, Amfuata Alikiba



TETESI za Msanii Harmonize kuondoka katika lebo ya WCB zimeendelea kutikisa katika mitandao ya kijamii hapa Bongo hasa baada ya Harmonize kufuta neno ‘Signed Under WCB Label’ kwenye Ukurasa wake wa Instagram.

Harmonize ameendelea kuwaaminisha watu kuwa huenda akaondoka au ameshaondoka WCB hasa baada ya kuendelea kufanya mabadiliko kwenye kurasa zake za Mitandao ya kijamii.

Kitu kingine kilichowaaminisha watu ni kitendo chake cha kuamua ‘Kumfollow’ Alikiba kwenye akaunti yake ya Instagram kitendo ambacho hakuwahi kukifanya kwa muda wote akiwa WCB.

Alikiba na Diamond Platnumz wamekuwa wapinzani wa kimuziki kwa muda mrefu na wasanii wote wa WCB hawajaifollow akaunti ya Alikiba isipokuwa Harmonize pekee ambaye ameamua kumfollow hivi karibuni.

Majina ya waombaji waliohakikiwa kikamilifu na Bodi ya Mikopo HESLB 2019/20


RITA uhakiki , RITA Tanzania, RITA majibu ya uhakiki, RITA Login, RITA verification, RITA makao makuu, RITA Contacts, RITA Application, RITA uhakiki wa vyeti vya kuzaliwa, RITA veti vya kuzaliwa

THE LIST OF STUDENTS VERIFIED FOR HESLB LOAN APPLICATIONS 2019/2020

Aim
The Registration Insolvency and Trusteeship Agency (RITA) aims at effective and efficient management of information on key life events, incorporation of trustees, safeguarding properties under trust, of deceased persons, insolvents, and minors to enable the law to take its course.

Historical Background

RITA was officially launched on the 23rd June 2006 and replaces what was known as the Administrator Generals Department in the Attorney Generals Chambers, Ministry of Justice and Constitutional Affairs. It is an Executive Agency under the Attorney Generals Chambers in the Ministry of Justice and Constitutional Affairs.

DOWNLOAD IN PDF BELOW

MAJINA YA WAOMBAJI WALIOHAKIKIWA KIKAMILIFU

Saturday, August 10, 2019

VIDEO: Angalia Watu wakichota Mafuta Kabla ya Moto Kulipuka Morogoro


Hivi ndivyo hali ilivyokuwa kabla ya gari hilo kushika moto na kulipuka katika ajali iliyopelekea vifo vya watu zaidi ya 60 mjini Morogoro..



Lori la Mafuta laua Watu 57 Morogoro

 Lori la Mafuta laua Watu 50 Morogoro

Morogoro. “Inasikitisha”. Ndivyo unavyoweza kusema baada ya lori la mafuta ya petroli kupinduka eneo la Msamvu mkoani Morogoro na kuwaka moto muda mfupi baada ya watu kuanza kuchota mafuta hayo.




Tukio hilo limetokea leo Jumamosi Agosti 10, 2019 ambapo Mwananchi limefika eneo hilo na kushuhudia miili iliyoungua ikiwa imelazwa pembeni ya barabara ya  Dar es Salaam-Morogoro wengi wakiwa ni madereva bodaboda na mamalishe wanaofanya shughuli zao hapo.

Kamanda wa Polisi Mkoa wa Morogoro, Wilbroad Mutafungwa amesema karibu watu 57 wamepoteza maisha katika ajali hiyo iliyotokea saa mbili asubuhi.

Ajali hiyo imetokea umbali wa mita 200 kutoka kituo kikuu cha mabasi Msamvu ukitokea Dar es Salaam.

Baadhi ya mashuhuda wamelieleza Mwananchi kuwa baada ya lori hilo kupinduka, watu walianza kuchota mafuta hayo.

Wamesema mmoja wa waliokuwa wakichota mafuta hayo alikuwa akivuta sigara, kwamba ndio chanzo cha mlipuko huo.

Pia Soma

Saturday, January 26, 2019

Mama Amuua Mtoto Kisa Wivu Wa Mapenzi Kwa Mumewe

  Mama Amuua Mtoto Kisa Wivu Wa Mapenzi Kwa Mumewe
MWANAMKE mkazi wa Wilaya ya Simanjiro mkoani Manyara anashikiliwa na Jeshi la Polisi kwa kumkata na kisu shingoni mwanawe wa miezi sita, kutokana na ugomvi baina yake na mumewe kutokana na wivu wa kimapenzi.

Kamanda wa Polisi Mkoa wa Manyara Augustino Senga akithibitisha kutokea kwa tukio hilo alisema tukio hilo limetokea Januari 20, mwaka huu, majira ya saa 12 jioni katika mtaa wa Kisimani kata ya Endiamtu wilaya ya Simanjiro mkoani humo.

Kwa mujibu wa Kamanda, Cecilia Paschal (29) mkulima na mkazi wa Mtaa wa Kisiwani, aligundulika kumuua mwanaye wa kumzaa, Frola Theophil kwa kumchinja na kumkata na kisu shingoni na baada ya kutenda tukio hilo alimeza dawa za hospitali ili aweze kujiua.

Chanzo cha tukio hilo, Kamanda Senga alibainisha kuwa ni wivu wa mapenzi kwani kabla ya tukio hilo inasemekana alikuta namba ya simu ya mwanamke iliyokuwa inampigia mume wake mara kwa mara.

Kutokana na hali hiyo, Januari 19, Cecilia na mumewe waliingia katika ugomvi mkubwa jambo lililosababisha mwanamume huyo kuondoka na kutorejea nyumbani kwake hadi baada ya kujulishwa tukio hilo.

“Taarifa zilitufikia mapema kutoka kwa majirani na watoto wake, Cecilia aliokolewa baada ya kukimbizwa katika Kituo cha Afya Mirerani. Kwa juhudi za madaktari alitapishwa na afya kurejea katika hali ya kawaida” amesema Senga.

Senga amekemea kitendo hicho kuwa ni kibaya na cha kusikitisha kwani mtoto huyo hakuwa na hatia na ameuawa kikatili kwa sababu ya mahusiano mabaya ya wazazi hao na kwamba hatua stahiki zitachukuliwa kwa mujibu wa sheria.

Amesema mwili wa marehemu umehifadhiwa hospitali ya wilaya kwa uchunguzi na kwamba mtuhumiwa ameshikiliwa na yupo kituo cha afya cha Mirerani akipatiwa matibabu.