Jinsi ya Kudhibiti Hasira

Jinsi ya Kudhibiti Hasira
Inaweza tokea mwenzi wako akasema au kufanya jambo ambalo linakukasirisha, na unajaribu kufungia hasira yako asijue. Lakini mwenzi wako anahisi kwamba amekukosea kwa njia fulani, kwa hiyo anaanza kukuhoji. Kufanya hivyo kunakukasirisha zaidi. Unaweza kufanya nini ili udhibiti hasira yako chini ya hali kama hizo?
Mambo unayohitaji kuyajua
Kukasirika kunaweza kudhuru afya yako.Utafiti unaonyesha kwamba hasira isipodhibitiwa inaongeza hatari ya kupanda kwa shinikizo la damu, kupata ugonjwa wa moyo, kushuka moyo, na matatizo ya umeng’enyaji. Pia, hasira imehusianishwa na matatizo ya kukosa usingizi, kuongezeka kwa mahangaiko, matatizo ya ngozi, na kiharusi.
Kufungia hasira kunaweza kukudhuru piaUkiendelea kufungia hasira inaweza kuwa kama ugonjwa ambao unakuumiza kutokea ndani. Kwa mfano, unaweza kuwa na mtazamo wa kuona tu mambo mabaya na kuchambua-chambua. Roho kama hiyo inaweza kufanya iwe vigumu kuishi pamoja nawe na kuathiri sana ndoa yako.
Mambo unayoweza kuyafanya
Tafuta sifa nzuri za mwenzi wako.Orodhesha mambo matatu unayopenda kumhusu mwenzi wako. Wakati ujao utakapokasirishwa na kitu ambacho mwenzi wako anafanya, fikiria kuhusu sifa hizo ulizotaja. Huenda hilo likakusaidia kudhibiti hasira yako.
Mke mwenye shughuli nyingi anafikiria jinsi mume wake humsaidia kufanya kazi za nyumba, kumsikiliza, na kumjali anapokuwa mgonjwa
Sitawisha mtazamo wa kusamehe. Kwanza, jaribu kuona mambo kwa kutegemea maoni ya mwenzi wako. Hilo litakusaidia uwe na hisia kama za mwenzi wako​. Jiulize je, jambo linalonifanya nikasirike ni kubwa sana hivi kwamba siwezi kusamehe?’
Eleza hisia zako kwa fadhili na busara. Jieleze ukitumia neno “mimi.” Kwa mfano, badala ya kusema, “Wewe unakosa ufikirio unapokosa kunipigia simu na kunijulisha mahali ulipo,” sema “Mimi huwa na wasiwasi saa zinaposonga na sijui ikiwa uko salama.” Kueleza hisia zako kwa upole kunaweza kukusaidia kudhibiti hasira yako.
Tokeo la picha la couples talkingSikiliza kwa heshima. Baada ya kujieleza, mruhusu mwenzi wako azungumze bila kumkatiza. Mwenzi wako anapomaliza kuzungumza, rudia kwa maneno machache kile alichosema ili uone ikiwa umemwelewa vizuri. Tendo dogo la kusikiliza linaweza kuchangia sehemu kubwa katika kukusaidia kudhibiti hasira yako.