Na Mwandishi Wetu

KOCHA wa viungo wa timu ya Simba, Syllersaid Mziray amewabeza Yanga kuwa pamoja na kushinda ushindi mnono katika mchezo wao wa kirafiki dhidi ya Telecom ya Mawali lakini timu hiyo bado sana.

Mziray ambaye alisafiri kutoka Zanzibar hadi Dar kwa lengo la kushudia mchezo huo ambao Yanga walishinda mabao 4-1, kitu ambacho kocha huyo mkongwe hakukubaliana nacho.

Kocha huyo aliyekuwa anakaimu nafasi ya Kocha Mkuu wa Simba, Patrick Phiri alisema Yanga ni wazuri katika kiungo na ushambuliaji lakini hawana ulinzi wa kuwazuia Simba.

LONDON, England

BAADA ya kumsota winga wake Joe Cole, Kocha wa timu ya Chelsea,  Carlo Ancelotti ameweka wazi kuwa winga huyo alikuwa hafuati maagizo yake.

Cole ambaye amejiunga na Liverpool baada ya kumaliza mkataba wake katika majira ya joto, lakini Ancelotti amemsajili Yossi Benayoun, ambaye anaamini ni bora kuliko Cole.

Meneja huyo wa Stamford Bridge anasema: "Joe Cole anaspidi kuliko Benayoun lakini Yossi ni mzuri katika ufundi. Anaelewa nini ninachomwabia.”

"Cole na Benayoun ni wachezaji tofauti na kila mmoja ananafasi yake, lakini ninafuraha kuwa na Yossi katika kikosi changu."

Benayoun, amesaini Chelsea kwa dau la pauni milioni 5.5 akitokea Liverpool, na ujio wake utaifanya Blues kufanya vizuri katika mchezo wa Jumapili wa Ngao ya Jamii dhidi ya Manchester United.

Chelsea pia wiki hii wamemsajili nyota wa Brazil aliyeng'ara katika fainali za Kombe la Dunia, Ramires baada ya kukubali dau la pauni milioni 18.3 akitokea Benfica.