Na Shufaa Lyimo

YANGA wamesema wana kila sababu ya kurudisha taji lao la ubingwa lililopokwa na mahasimu wao Simba katika msimu uliopita.

Uongozi wa klabu ya Yanga umedai kuwa wamejipanga kuhakikisha hilo linafanikiwa kwa kutwa taji hilo mapema zaidi kutoka kwa Simba.

Akizungumza Dar es Salaam jana, Afisa Habari wa klabu hiyo, Louis Sendeu alisema benchi la ufundi na uongozi mpya kila mmoja na nafasi wake wamekubaliana kurudisha taji hilo.

“Mwalimu ameshatueleza kuwa yupo fiti kutwaa ubingwa wa msimu huu kutokana na usajili waliofanya ikiwa pamoja na maandalizi wanayoendelea nayo hadi sasa,” alisema Sendeu.

Na Zahoro Mlanzi

TIMU ya The Express ya Uganda, inatarajia kutua nchini kesho tayari kwa ajili ya kushiriki tamasha la Simba 'Simba day', litakalofanyika Jumapili Uwanja wa Uhuru, Dar es Salaam.

Akizungumza Dar es Salaam jana, Ofisa Habari wa klabu hiyo, Clifford Ndimbo alisema maandalizi ya tamasha hilo kwa kiasi kikubwa yamekamilika ambapo The Express itatua nchini kesho na msafara wa wachezaji 20 na viongozi watano.

Alisema timu hiyo itacheza na kikosi chote cha Simba ambacho siku hiyo kitatambulishwa rasmi kwa mashabiki wa timu hiyo ambapo pia itatoa fursa kwa Kocha Mkuu, Patrick Phiri kupata kikosi chake cha kwanza.